ముద్దుగారే మోము వాడే
మది దోచే మోహనా కారుడే 
యశోదమ్మ గారాల బిడ్డడే 
ఆమె నోము ఫలము అతడే 
క్షణమయినా ఆమెను వీడ లేడే 
తల్లి ప్రేమకు దాసుడే
ఇద్దరు తల్లుల ప్రాణము ఈతడే
జగములనేలే పరమాత్ముడే
యుగాలుగా జనులను కాపాడే
మూడు లోకాల రక్షకుడే ,
శరణన్న వారిని కాచే వత్సలుడే
ఈ చిన్ని శిశు వెంతటి వాడే
మాయా మొహము లో వీడే
మనలను బ్రోచు వాడే
సత్యము ,ఈతని మహాత్యము
జనులారా నమ్మి తరించరే